კომპანიის შესახებ

საამწყობო საამქრო

საამწყობო საამქრო აკმაყოფილებს მსგავსი ტიპის საწარმოო ინფრასტრუქტურისათვის კანონმდებლობით განსაზღვრულ და საერთაშორისო მიღებულ ნორმებს, როგორც ტექნიკური (მ.შ. სეისმომედეგობის, სახანძრო უსაფრთხოების), ასევე, შრომის უსაფრთხოებისა და თანამშრომელთა სიცოცხლისა და ჯანმრთელობისათვის უსაფრთხო გარემოს უზრუნველყოფის თვალსაზრისით.

კომპანიის მართვის სისტემა ეფუძნება კორპორაციული მართვის საუკეთესო პრაქტიკას, დანერგილია ხარისხის მართვის სტანდარტები – ფლობს ხარისხის უზრუნველყოფის საერთაშორისო სერტიფიკატებს – ISO 9001 2015 წლიდან და EN 9100 2016 წლიდან.

კომპანია ბიზნესსაქმიანობას ახორციელებს საქართველოს მოქმედი კანონმდებლობით განსაზღვრული შემდეგი გენერალური ლიცენზიების საფუძველზე:

სამხედრო პროდუქციის შეკეთების (მოდერნიზებისა და ადგილზე მომსახურების ჩათვლით) გენერალური ლიცენზია;
სამხედრო პროდუქციით ვაჭრობის გენერალური ლიცენზია;
სამხედრო პროდუქციის დამზადების (წარმოება) გენერალური ლიცენზია.

კომპანია, საერთაშორისო კონტრაქტების ფარგლებში, ახორციელებს „ჰაერი-ჰაერი“ ტიპის რაკეტების რემონტს საექსპლუატაციო და შენახვის ვადების გაგრძელებას სპეციალურად დამუშავებული პროგრამების საფუძველზე, მი 8 და მი 24 ტიპის ვერტმფრენების კაპიტალურ რემონტს, სამხედრო მოიერიშე სუ-25 ტიპის თვითმფრინავების რემონტს / კაპიტალურ რემონტს / მოდერნიზებას.

ძირითად სტრატეგიულ პროექტებთან ერთად, დაგროვილი საინჟინრო-ტექნიკური ცოდნისა და გამოცდილების გამოყენებით, მიმდინარეობს მუშაობა და განხორციელებულია ძირითადი სამუშაოები ახალი პროექტებისა და ინოვაციური ტექნოლოგიების ათვისების მიმართულებით, კერძოდ:

ბიზნეს-ავიაციის მიმართულებით – 9-ადგილიანი ბიზნეს-ჯეტების დაპროექტება, წარმოება და სერტიფიცირება;
უპილოტო საფრენი აპარატების (სადაზვერვო კომპლექსი) დაპროექტება და წარმოების დაწყება;
კომპოზიტური მასალებისაგან საავიაციო დეტალების წარმოების დაწყება და სხვა.

კომპანიის გრძელვადიანი სტრატეგიული ხედვა მოიცავს:

საავიაციო მრეწველობის სფეროში მაღალტექნოლოგიური წარმოების მიღწევასა და ინოვაციური ტექნოლოგიებისა და პროდუქციის ათვისება დანერგვას;
საავიაციო მრეწველობის სფეროში ბაზარზე ლიდერის პოზიციის მიღწევას რეგიონში.